Sótthreinsitæknabrú

Um sótthreinsitæknabrú

Sótthreinsitæknabrú er ætluð fullorðnu fólki sem óskar að fá metna starfsreynslu og óformlegt nám til styttingar á námi á sótthreinsitæknabraut.

Inntökuskilyrði

Skilyrði til innritunar í nám á sótthreinsitæknabrú eru að umsækjandi sé orðinn 22 ára gamall og framvísi staðfestingu frá vinnuveitanda um að hann hafi a.m.k. 4 ára starfsreynslu og starfi enn við sótthreinsun og dauðhreinsun á heilbrigðissviði. Auk þess þarf viðkomandi að hafa lokið starfstengdum námskeiðum á vegum stéttarfélaga eða stofnana/fyrirtækja í heilbrigðisþjónustu sem hafa það að markmiði að auka kunnáttu og færni til sótthreinsunar og dauðhreinsunar á heilbrigðissviði.

Skólameistari ber ábyrgð á mati á fyrra námi í samræmi við ákvæði í aðalnámskrá framhaldsskóla, almennum hluta. Mælt er með þeirri viðmiðun að námskeið sem nema a.m.k. 160 stundum jafngildi 7 einingum og að nemendur fái þá fyrst og fremst metna áfanga sem eru merktir með stjörnu (*) í yfirlitinu hér fyrir neðan. Enn fremur er gert ráð fyrir að starfsreynsla sem fellur vel að markmiðum brautarinnar verði metin sem ígildi vinnustaðanáms. Sá sem lokið hefur sótthreinsitæknanámi af brú með fullnægjandi árangri hefur lokið fullgildu starfsnámi sótthreinsitækna enda þótt viðkomandi hafi ekki lokið almennum greinum brautarinnar samkvæmt aðalnámskrá. Sá hinn sami kann hins vegar að þurfa að ljúka því námi til að geta stundað framhalds- eða viðbótarnám að loknu námi af sótthreinsitæknabrú.

Uppbygging brautar

Almennar heilbrigðisgreinar:

Heilbrigðisfræði*                                                    HBFR1HH05                5 ein

Líkamsbeiting*                                                         LÍBE1HB01                   1 ein

Samskipti*                                                                  SASK2SS05                5 ein

Siðfræði*                                                                     SIÐF1SF05                  5 ein

Skyndihjálp*                                                               SKYN1EÁ01                 1 ein

Sýklafræði                                                                   SÝKL2SS05                5 ein

Starfsumhverfi heilbrigðisstofnana*             STHE1HÞ05                5 ein

Upplýsingalæsi á heilbrsv.                                   UPPÆ1SR05               5 ein

Sérgreinar brautar

Áhalda- og efnisfræði, sótthreinsitækna                      ÁHEF2PE05                 5 ein

Áhöld sérhæfð, sótthreinsitækna                                      ÁEFS2AB05                 5 ein

Sótthreinsun fyrir sótthreinsitækna                                 SÓTS2HR05                 5 ein

Dauðhreinsun fyrir sótthreinsitækna                               DAUH2SÖ05                 5 ein

Gæði, öryggi og rekjanleiki                                                     GÆÖR2RE05                5 ein

Umhverfisfræði                                                                           UMHV2SJ05                 5 ein

Vinnustaðanám

Verknám (ferilbækur, 15 vikur fullt starf)*                       VINS2NS25                    25 ein