EFNA3RS05 - Efnafræði 3

Lýsing

Í áfanganum verður farið í oxunar-, afoxunarhvörf í tengslum við rafefnafræði. Oxarar og afoxarar verða skilgreindir og í kjölfarið verður farið í hálfhvörf, galvaníhlöður, staðalspennu, íspennu, fríorkubreytingu og spennuröð málma. Einnig verður farið í sýru,-basahvörf og í tengslum við þau verða rammar og daufar sýrur og basar skilgreindir. Þá verður sýrufastinn notaður til að meta styrk sýru og basa. Áhersla verður á útreikninga í tengslum við títrun misrammra sýru og basa. Að lokum verður farið í lotubundna eiginleika efna. Nokkrar spennandi verklegar æfingar eru framkvæmdar í áfanganum.