LYFJ2AL05 - Lyfjafræði fyrir almenning

Lýsing

Þessi áfangi er hugsaður sem almenn kynning á lyfjafræði og getur m.a. gagnast þeim nemendum sem ætla í heilbrigðisgreinar í háskóla. Einnig hentar áfanginn þeim sem hafa áhuga á að læra almennt um lyf og lyfjafræði. Í áfanganum er farið í lyfjagjafir, lyfjaform og ýmsar skilgreiningar sem tengjast lyfjum. Farið er lauslega í lyfjalög, lyfjaávísanir, lyfjanöfn, sérlyfjaskrá, lyfjaverðskrá og ATC-flokkunarkerfi lyfja. Farið er í nokkra flokka lausasölulyfja, verkun þeirra og almennt í aukaverkanir, milliverkanir og verkunarmáta lyfja. Fjallað er lauslega um ýmsar stofnanir lyfjamála, s.s. heilbrigðisráðuneytið, Lyfjastofnun, SÍ og TR. Að lokum er farið í helstu atriði úr sögu lyfja- og læknisfræði.

Kennslugögn: Allt kennsluefni er inni í Moodle.

Námsmat: Skilaverkefni (30%) og lokapróf (70%).