Nýnemaferð á Akranes

Nýnemaferð Fjölbrautaskólans við Ármúla var farin í gær, miðvikudaginn 31. ágúst. Frábær ferð í alla staði sem Nemendafélag skólans og félagsmálafulltrúi skipulögðu. Farið var með rúmlega 200 nýnema upp á Akranes þar sem við áttum góða stund í Garðalundi, skógræktarsvæði Akraness, en þar er frábær aðstaða til útiveru og leikja. Þar tóku á móti okkur vanir menn sem sáu um leiki og hópefli fyrir þennan stóra og flotta hóp. Síðan voru grillaðar pylsur, nemendur fengu gos og Prins póló og léku sér svo í allskyns leikjum og spjölluðu saman. Dagskráin endaði síðan á skemmtilegum hópdansi.

Frábær hópur nýnema þetta árið sem voru til fyrirmyndar í ferðinni og hlökkum við til að kynnast þeim betur í vetur.

Á Facebook síðu skólans má svo sjá fullt af myndum úr ferðinni.