Ásdís Rós Þórisdóttir, sem lenti í vor í 2. sæti í samkeppni Landverndar "Ungt umhverfisfréttafólk" með ljósmynd sína "Congratulations humanity" er nú komin áfram í úrslitakeppni alþjóðlegu keppninnar "Young reporters for the environment"! (auk frábærrar heimildarmyndar frá nokkrum Tækniskólanemendum en bæði íslensku nemendaverkefnin sem send voru í alþjóðlegu keppnina komust í úrslit).

HÉR má skoða öll verkefnin í úrslitum, og HÉR má kjósa mynd Ásdísar (með að smella á enjoy efst í hægra horni): 

Til hamingju með árangurinn Ásdís Rós!

Kæru nemendur,
Vegna útfarar Eiríks Brynjólfssonar, kennslustjóra almennrar brautar, verður skólanum lokað kl. 12:45 nk. föstudag, 28. ágúst.

Kæru nemendur,

Smávegis breytingar hafa orðið á innskráningu í Moodle. Nú þurfið þið öll að logga ykkur inn með að smella á hnappinn „Innskráning í Moodle“ – skrifa notandanafnið ykkar (sem er alltaf fa og svo fyrstu 8 tölurnar í kennitölunni ykkar) og setja @fa.is fyrir aftan það.

Það er feykinóg að gera hjá tækniþjónustunni svo prófið þetta áður en þið sendið þeim póst um að komast ekki inn á Moodle. :) 

Ágætu nemendur og forráðamenn,

Mánudaginn 24. ágúst hefst staðnám í FÁ samkvæmt stundaskrá.

Vegna Covid-19 gilda almennar sóttvarnareglur í skólanum: þ.e. handþvottur, sótthreinsun, forðast að snerta andlit og tveggja metra reglan þar sem henni verður komið við (nema í skólastofum má fara niður í 1 metra fjarlægð). Mötuneytið verður ekki með heitan mat fyrst um sinn, heldur eingöngu plastpakkaða matvöru.

Þá mun skólinn fylgja nýjum leiðbeiningum menntayfirvalda sem unnar voru í samvinnu við sóttvarnarlækni. Lesið þessar reglur vel og hafið þær að leiðarljósi á næstunni.

1. Öll eiga að gæta fyllsta hreinlætis og spritta sig um leið og komið er inn í skólann. Sprittstöðvar eru við alla innganga.

2. Suðurinngangur verður öllu jafna læstur en hann er eingöngu ætlaður fyrir nemendur á sérnámsbraut.

3. Öll eiga að spritta sig þegar gengið er inn í álmur skólans (sprittbrúsar eru við alla innganga skólans og innganga í álmur).

4. Gangar eru ætlaðir til þess að ferðast á milli kennslustofa. Stofur verða ólæstar og nemendur eiga að fara beint inn í sína stofu þegar komið er upp á ganginn, þ.e. ekki bíða fyrir utan stofuna eftir kennara.

5. Öll eiga að sótthreinsa sitt borð og stólbak eftir hvern tíma. Kennarar nýta síðustu fimm mínútur af kennslustund til að leiðbeina .....