Gettu betur lið FÁ átti annan frábæran leik í kvöld og sigraði FS 27-23. Sem gerir FÁ stigahæsta lið fyrri riðils 2. umferðar. Okkar fólk er sem sagt á leið í 8 liða sjónvarpskeppni Gettu betur, en á fimmtudaginn kemur í ljós hvaða dag og á móti hvaða skóla við keppum.
Til hamingju Jón Jörundur, Elínrós Birta, Þráinn, Arnar og Guðmundur Þórir!
Umhverfisfulltrúar skólans og mötuneyti Krúsku hafa tekið höndum saman í tilefni Veganúar. Allar vegan máltíðir á þriðjudögum og fimmtudögum í janúar verða á 700 kr. í stað 1050 kr.
Kl. 21:00 í kvöld mætir FÁ Menntaskólanum á Ísafirði í fyrstu umferð Gettu betur 2020. Þau Elínrós Birta, Jón Jörundur og Þráinn skipa okkar lið, og hér má hlusta á útsendinguna: https://www.ruv.is/null
Áfram FÁ!
Gettu betur-lið FÁ átti frábæran leik í kvöld og sigraði Menntaskólann á Ísafirði 25-20. Stigafjöldi FÁ er sá þriðji hæsti sem náðist í þessari fyrstu umferð ársins - einungis MR og Versló fengu fleiri stig. MÍ var afar verðugur andstæðingur og sem stigahæsta tapliðið verður skólinn samferða okkur upp í næsta riðil.
Næsta keppni verður á móti Fjölbrautaskóla Suðurnesja kl. 20:30 þann 14. janúar.
Vel gert FÁ!
Nú hefur verið opnað fyrir skráningu í fjarnám FÁ á vorönn og opið verður til 17. janúar.
Stundatöflur nemenda verða aðgengilegar í INNU mánudaginn 6. janúar kl. 8:00.
Kynningarfundur fyrir nýja nemendur verður þriðjudaginn 7. janúar kl. 13:00.
Fyrsti kennsludagur er miðvikudagurinn 8. janúar skv. stundatöflu.
Ef nemendur þurfa að breyta eða bæta stundatöflu sína, þá er boðið upp á töflubreytingar mánudaginn 6. janúar frá kl. 10:00 til 15:00 og þriðjudaginn 7. janúar frá kl. 8:00 til 10:00 og aftur frá kl. 13:00 til 16:00. Einnig er hægt að senda óskir um töflubreytingar á netfangið toflubreytingar@fa.is.
Fjölbrautaskólinn við Ármúla útskrifaði í dag 106 nemendur og þar af útskrifuðust 8 nemendur af tveimur brautum. 13 nemendur útskrifuðust af heilbrigðissviði, sem skiptust svo eftir námsbrautum: Sjö útskrifuðust sem heilsunuddarar, einn sem læknaritari, einn sem lyfjatæknir og fjórir sem sjúkraliðar.
Frá nýsköpunar- og listabraut útskrifuðust sex nemendur og stúdentar voru 86 talsins. 43 útskrifuðust af félagsfræðibraut, af náttúrufræðibraut útskrifuðust 13, af hugvísinda- og málabraut sex, af viðskipta- og hagfræðibraut útskrifuðust einnig sex og með viðbótarnám til stúdentsprófs að loknu starfsnámi útskrifuðust 19.
Dúx skólans er Stefaniya Ogurtsova sem útskrifaðist af náttúrufræðibraut með meðaleinkunnina 8,71. Eftirfarandi nemendur fengu einnig viðurkenningar fyrir framúrskarandi árangur: Ebba Egilsdóttir fyrir nám sitt á nýsköpunar- og listabraut, Harpa Rós Jónsdóttir fyrir lokaverkefni sitt á sjúkraliðabraut, Hólmfríður Hilmarsdóttir fyrir árangur sinn í nuddgreinum, Rannveig Schram fyrir bæði spænsku og félagsgreinar, Arnar Sigurðsson fyrir stærðfræði og Stefania Ogurtsova fyrir þýsku.
Í ræðu sinni fjallaði Magnús Ingvason, skólameistari FÁ, m.a. um nýlega PISA-könnun og nefndi að enn og aftur væru íslensk ungmenni töluð niður í fjölmiðlum og netheimum. Árangurinn mætti vissulega bæta og ýmis úrræði af hálfu menntamálayfirvalda hafi verið kynnt. Vonandi muni þau úrræði efla íslensk ungmenni, en árangurinn kæmi eflaust ekki í ljós fyrr en að nokkrum tíma liðnum. Að lokum hvatti skólameistari nemendur til að lifa lífi sem veitti þeim vellíðan og gleði, en ekki lífi sem bara liti vel út.
Þrír útskriftarnemar fluttu kveðjuávörp; þær Najmo Fiyasko Finnbogadóttir, Saga Karítas Björnsdóttir og Margrét Guðlaug Jónsdóttir. Tónlistarflutningur við athöfnina var í höndum tveggja hæfileikraríka nemenda tónlistaráfanga skólans, og athöfninni lauk með hátíðlegum samsöng allra viðstaddra á jólasálminum Heims um ból.
Kiwanisklúbburinn Katla mun taka að sér að styrkja tæknilega uppbyggingu við skynörvunarsundlaug við sérnámsbraut Fjölbrautaskólans við Ármúla. Verkefnið felst í því að koma upp ljósa- og hljóðkerfi við sundlaug skólans. Styrkurinn hljóðar upp á rúmar 3 milljónir og mun Kiwanisklúbburinn Katla sjá alfarið um þá fjármögnun. Vinna við undirbúning er þegar hafin.
Próf þriðjudaginn 10. desember 2019
Próf í dagskóla verða með hefðbundnum hætti í dag; kl. 8:30 og 11:00.
Próf í fjarnámi verða kl. 13:30, en próf kl. 16:00 falla niður.
Frekari upplýsingar um nýjan próftíma fjarnáms og próf morgundagsins, miðvikudagsins 11. desember, verða settar inn eins fljótt og auðið er.
Próf við Fjölbrautaskólann við Ármúla verða með óbreyttu sniði á morgun, miðvikudaginn 11. desember.
Dagskólapróf kl. 8:30 og 11:00.
Fjarnámspróf kl. 13:30 og 16:00
Tests at FÁ will be as planned tomorrow; Wednesday December 11th. No tests will be cancelled because of weather.